Friday, April 2, 2021

سيغموند فرويد محنك التحليل النفسي

0


محمد سلطان - MA Sultan

 

النهاردةهنتكلم عن الأب الروحي لعلم النفس! منظر التحليل النفسي! الرجل الذي قال أن الإنسان عبارة عن لاوعي وأشياء أخرى إضافية! وأن الجنس هو الدافع الأساسي لكل شيء والكبت الجنسي أحد أهم الأشياء التي لابد من التخلي عنها عشان تبقى إنسان صحي وكيوت وتعيش سليم.

النهاردةهنتكلم عن الطبيب النمساوي ذو الأصول اليهودية سيجموند فرويد مؤسس نظريات الإغواء والاستمتاع بالأطفال! راجللامؤاخذة

 

لما نتكلم عن سيجموند فرويد فبسمع كلام من ناس كتير إنه من عظماء القرن الماضي كأننا مثلا مبنعرفش انجليزي ومقرأناش كتب أبو الفرايد. سيجموند فرويد عمل أشياء لا تقل بشاعة عن كونها جرائم أخلاقية تجعله مجرم في حق الإنسانية. خلينا نخش في الموضوع

كلنا عارفين من كلامه أنه ملحد ولكن الغريب إن نظرية اللاوعي ونظريات أخرى كانت مستمدة بصورة مباشرة من عقيدة الكابالا اليهودية!

فرويد مثلا بيقول إن الإنسان عبارة عن id- ego – super ego

أو جانب الغريزة وجانب المثاليات وأخيرا الأنا أو محاولة التوازن بين الرغبات والمثاليات.

لو رجعنا للكابالا اليهودية هنلاقيهاتحتوىعلي نفسالتقسيمأوأجزاءالإنسان: نفيش ونشامةوراوخ، وهي نفس التقسيمات للغريزة والمثالية والأنا اللي أتكلم عليها فرويدوقالإنهامنابتكارهوبناتأفكاره. راجلكذابأناقولتكذابدلوقتيعشانمحدشيظنغلط.

 

فرويد مثلا بيفسر كل مشكلة عند الإنسان إن ليها أصل جنسي وياسبحان الله يامؤمن..نلاقيالكابالا اليهودية بردوا بتقول إن كل خطايا بني آدم أصلها الجنس وعشان كده تم تشريع الختان كنوع من العهد بين الله وشعبه

عا هناك مئات المراجع الأجنبية عن سيجموند فرويد واللي انتقدت نظرياته اللي بعيدة كل البعد عن المنهج العلمي ولم يكن لها تأُثير إلا في انتشار الغرائز المحرمة والإباحية.

 

ولكن موضوع حلقة النهاردة هو عن الوجه القبيح..الوجه المظلم لسيجموند فرويد

 

أولا: عاشق للكوكايين

فرويد كان من أكبر المروجين لاستخدام الكوكايين لدرجة أنه هو شخصيا ظل يستخدمه بصورة منتظمة وحتى وفاته عام ١٩٣٩. فرويد كمان كان بيستخدم الكوكايين مع مرضاه! آه والله كان بيخلي المرضي يتعاطوا المخدر بل ونشره بين أصدقائه وده اللي جعل ناس كتير مدمنة على الكوكايين زي صديقه الصدوق إيرنست فن.

 

ثانيا: التعدي على الصغار

 

من أشهر نظريات فرويد النفسي هي نظرية الإغواء أو Seduction  Theory

وفي بداية الأمر عام ١٨٩٠ تقريبا كان بيقول إن كل مرضاه عندهم مشاكل نفسية بسبب عمليات تحرش أو تعدي عليهم من قبل ذويهم في مرحلة الطفولة. ولكن يامؤمن وبعد فترة بسيطة نلاقي أبو الفراويدبينادي بنظرية ال Infantile Sexuality أو الجنسية الطفولية..وبدأ يقول إن الحقيقة هي إن مرضاه لم يتم التعدي عليهم من قبل أهاليهم لكن في الواقع الذاكرة الغريبة اللي عندهم عن حوادث التعدي هي عبارة عن فانتازي أو رغبتهم إن ده يحصل وبالتالي مخهم بيختلق حوادث محصلتش أصلا!

يعني الطفلة اللي بتقول أبوها أو رجل الدين أو أحد أقاربها اعتدى عليها دي كدابة، بل وهي أصلا عايزة ده يحصل وعشان كده مخها بيألف القصة دي.

 

طبعا الموضوع ده عمل اضطراب كبير في الأوساط وخاصة في المجتمع اللي بدأ ينتشر فيه التعدي على الأطفال وبعد كده نقول العيال دي كدابة..حتى اسألوا عم فرويد.

 

مش بس كده! ده فرويد عمل نظرية تانية سماها عقدة أوديب، ودي باختصار كده إن الطفال بيميل جنسيا لأمه والبنت بتميل لأبوها..ولو حصل عدم اهتمام من الطرف الآخر اللي هو الأب أو الأم ده بيجعل الطفل يبقى له ميول مثلية لما يكبر..وكلامتاني مريض جدا لا ينطقه إلا إنسان تقريبا تم التعدي عليه وهو صغير.

 

ثالثا: عائلة مريضة

فرويد في أحد خطاباته كان بيتكلم عن طفولته وأبوه اللي تحرش بيه وبأخواته! لدرجة أن أخوه كان بيعاني من هستيريا وخلل نفسي كبير!

وده اللي جعل ناس كتير تقول إن نظريات فرويد الجنسية اللي بيبرر بيها التحرش وقصص التعدي على الأطفال ما هي إلا محاولاته الشخصية ليتحرر من ماضيه الأسود وأبوه المجرم اللي تعدى على فرويد واخواته.

 

رابعا: يحتقر المرأة

تاريخ فرويد مع المرأة غريب جدا! مفيش قصة لفرويد مع أي مرأة انتهت بصورة طبيعية إلا وكان فيها مشاكل. فرويد كان بيعتقد إن المرأة ضعيفة وأنانية وغير عقلانية وعندها شعور دائم بالغيرة من الرجل...تفتكر ليه؟ عشان المرأة في وجهة نظر فرويد معندهاش أعضاء الذكورة ولذلك بتكره الرجل وبتغير منه.

بل فرويد ذهب لأبعد من ذلك وقال إن مشكلة المجتمع هي؟ فكر كده.. الفقر مثلا؟ الجهل؟ البطالة؟ التطرف؟ فرويد بيقوليامؤمن إن مشكلة المجتمع هي المرأة!

 

على النقيض، نلاقي إن علاقات فرويد مع الرجال كانت لطيفة جدا وكلها حميمية..بل بعض الرسائل اللي تم الكشف عنها بتقول إن صديق فرويد الحميم، ويليم فليس، كتب وقال إنه كان بيتمنى يشوف فرويد عاري! وده السبب اللي خال العملاء تقول إن فرويد "شاذ" ...مثلي الميول.

 

خامسا: وثائق محرمة

في أكتر من ٧٥ ألف وثيقة ومستند عن فرويد في مكتبة الكونجرس الأمريكية ممنوع الإطلاع عليها! ياترى فيها إيه عن فرويد وتجاربه على البشرية! ماذا تخفي هذه الوثائق عن أبو العلاج النفسي! ناس كتير بتقول لو فرويد عايش في عصرنا كان أكيد تم حبسه وعزله من مهنة الطب لأسباب يعجز العقل عن عدها وحصرها.

 

سادسا: خائن للأمانة

سنىة ١٩٠٠ أحد مرضى فرويد تم تشخصيه على إنه مريض بارانويا وده كان تشخيص خطأ انتهى بأن المريض شنق نفسه وانتخر في غرفته بالفندق؟ ياترى إيه أبعاد القضية وليه حصل كده؟

 

فرويد كان دايما فخور إنه يهلث وراء المال وكان بيقول "المال هو سعادتي" أو غاز السعادة لو عايزين نعرف الترجمة الحرفية.

 

فرويد اتمسك واتفضح في أكتر من مرة وهو بيستغل المرضى وبيضغط عليهم عشان يقدموله تبرعات!

 

غريب جدا إن شخصية بهذا المستوى الأخلاقي تبقى علم من أعلام العلم ويفرض علينا درساتها! من المستفيد من هذا؟ سؤال إجابته تختلف ..لكن الأكيد إن فرويد لن ينسى التاريخ جرائمه.

 

وهناك تكون النهاية ..ولكن تذكر، ما النهاية إلا بداية جديدة

ومن يدمن قرع الباب، يوشك أن يفتح له

سبحانك اللهم وبحمدك

أشهد أن لا إله إلا أنت

أستعفرك وأتوب إليك

السلام عليكم

 المصادر

https://pubmed.ncbi.nlm.nih.gov/8559882/

 

https://www.waqi3.com/2019/01/freud-kabbalah.html

 

https://medium.com/@suriana/7-disturbing-facts-about-sigmund-freud-4a8c586c780f

 

https://www.nytimes.com/1984/03/11/books/l-freud-showed-bias-041936.html

 


No comments:

Post a Comment